​יָדְךָ תַּנְחֵנִי אֵל חַי עוֹשַׂי וְתֹּאחֲזֵנִי תוֹךְ מִגְרָשַׁי
חִישׁ תֵּן לָנוּ חֵלֶק בְּדָוִד וְגַם נַחֲלָה בְּבֶן יִשַׁי.

​

שְׁעֵה שַׁוְעַת דַּל לִבּוֹ נָמַס מֵעִירוֹ נִבְדַּל הָיָה לָמַס
אַנְחָתוֹ גִּדַּל יִזְעַק חָמָס נָם מַדּוּעַ לֹא בָא בֶן יִשַׁי?

​

רַגְלֵי מְבַשֵּׂר חִישׁ אֵל נַעֲרָץ הוּא יַגִּיד פֵּשֶׁר חָזוֹן נִמְרָץ
הַצְמֵת עַם אֲשֶׁר לָשׁוֹן יֶחֱרָץ אוֹמֵר – מִי דָוִד מִי בֶן יִשָׁי?

​

אֲשֶׁר נָדַרְתָּ מַהֵר שַׁלֵּם תּוֹךְ עִיר בָּחַרְתָּ יְרוּשָׁלֵם
אֵלָיו קָרָאתָ מֶלֶךְ שָׁלֵם כִּי בּוֹחֵר אַתָּה לְבֶן יִשַׁי.

​

לְךָ צוּר מוֹשִׁיעִי אוֹחִיל יוֹם יוֹם כִּי לְקוֹל שַׁוְּעִי תְּנָה פִדְיוֹם
יָצִיץ צִיץ יִשְׁעִי סִנְסַן אָיֹם יָצָא חֹטֶר מִגֶּזַע יִשָׁי.

​

לְעִיר חֶמְדָּתִי קוּם הִתְהַלֵּךְ וֶאֱמֹר חָפַצְתִּי לְגָאֳלֵךְ
הִנֵּה מָצָאתִי דּוִד מֶלֶךְ הִנֵּה רָאִיתִי בֵּן לְיִשַׁי.